اسلام آباد (مانیٹرنگ ڈیسک) وفاقی وزیر خزانہ اسحاق ڈار کے زیر صدارت اجلاس میں وزیراعظم لیپ ٹاپ سکیم منظور کر لی گئی ہے۔ تفصیلات کے مطابق وفاقی وزیر خزانہ اسحاق ڈار کی زیر صدارت ایکنک کا اجلاس ہوا جس میں مختلف امور پر تبادلہ خیال کیا گیا۔ ذرائع کے مطابق اجلاس میں وزیراعظم لیپ ٹاپ سکیم بھی منظور کی گئی ہے جس کے تحت آئندہ 4 سال کے دوران طلباء میں 4 لاکھ لیپ ٹاپ تقسیم کئے جائیں گے۔ اجلاس کے بعد جاری اعلامیہ کے مطابق ایکنک نے 21 ارب 33 کروڑ روپے مالیت کی وزیر اعظم لیپ ٹاپ سکیم کی منظوری دی ہے جس کے تحت چار سال کے دوران طلباء میں چار لاکھ لیپ ٹاپ تقسیم کئے جائیں گے اور یہ تمام لیپ ٹاپ مقامی طور پراسمبل کئے جائیں گے۔ لیپ ٹاپ سکیم