پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال
اسلام آباد (مانیٹرنگ ڈیسک) آئل اینڈ گیس ریگولیٹری اتھارٹی (اوگرا) نے پٹرولیم مصنوعات کی قیمتوں میںاضافے کی سمری وزارت پٹرولیم کو ارسال کر دی ہے۔
تفصیلات کے مطابق اوگرا کی جانب سے وزارت پیٹرولیم کو ارسال کی گئی سمری میں پیٹرولیم مصنوعات کی قیمتوں میں 7.66 روپے فی لیٹر تک اضافے کی تجویز دی گئی ہے۔ سمری میں پیٹرول کی قیمت 4.40 روپے فی لیٹر اضافے کی تجویز پیش کی گئی ہے تاہم حتمی فیصلہ وزیراعظم نواز شریف کی منظوری کے بعد ہی کیا جائے گا جبکہ نئی قیمتوں کا اطلاق یکم اپریل سے ہو گا۔