کسان بورڈ نے کاشتکاروں کو بلاسودقرضوں کی فراہمی کیلئے مہم کا آغازکردیا
لاہور(کامرس رپورٹر) کسان بور ڈ پاکستان نے حکومتی عہدے داران ،علمائے اکرام اور دیگر سیاسی جماعتوں کے راہنماﺅں سے ملاقات کر کے کسانوں کو بلا سود قرضے فراہم کرنے کی مہم کا آ غاذ کر دیا۔کسان بورڈ پاکستان کے دفتر سے جاری پریس ریلیز کے مطابق گزشتہ سال کسانوں کی معیشت کے لئے تباہ کن سال ثابت ہوا ہے ۔ کیونکہ کپاس چاول اور گنے کے کاشتکاروںکو صنعت کاروںنے دونوںہاتھوں سے لوٹا اور منہ مانگے داموںپر اجناس خرید کر کسانوں کی معیشت کو تبا ہ و بردبا د کر دیا۔ انہوں نے کہا کہ جس طرح حکمرانوں نے بے ر وزگاروں کے لئے یلو کیپ سکیم، نوجوانوں کے لئے روزگار سکیم کے لئے اربوں روپے کے قرضہ جات رکھے ہیں ۔ اسی طرح ملک کے ستر فیصد کسانوں کے لئے بلاسودقرضوںکی سکیم جاری کی جائے تاکہ ڈوبتی ہوئی زرعی معشیت کو بچایا جا سکے ۔