سارہ رضا کوٹیکس گوشوارے جمع نہ کرانے پر نوٹس جاری
لاہور( آن لائن ) ایف بی آر نے معروف گلوکارہ سارہ رضا خان کو ٹیکس گوشوارے اور اثاثہ جات جمع نہ کروانے پر نوٹسز جاری کردیئے۔تفصیلات کے مطابق ایف بی آر نے سارہ رضا خان سے انکم ٹیکس گوشوارے اثاثہ جات تفصیلات طلب کر لیں،معروف گلوکارہ سارہ رضا خان کو انکم ٹیکس 2014،2015 اور 2016 کے ٹیکس گوشوارے جمع نہ کروانے پر جاری کئے گئے،ان نوٹسز میں پندرہ روز کا وقت دیا گیا ہے اور کہا گیا ہے کہ اگر پندرہ روز ٹیکس گوشوارے اور اثاثہ جات جمع نہ کروائیتو کارروائی کی جائے گی۔