عرب ممالک میں انتہائی پرکشش نوکریوں کے مواقع

ریاض (مانیٹرنگ ڈیسک) عرب ممالک میں ملازمت کے خواہشمندوں کے لئے بڑی خوشخبری ہے کہ سعودی عرب، متحدہ عرب امارات اور قطر میں سینکڑوں ملازمتوں کے شاندار مواقع فراہم کئے جارہے ہیں۔
ڈیری کمپنی Almarai کی طرف سے 135 ملازمتوں کا اشتہار جاری کیا گیا ہے ان میں سے اکثر ملازمتیں سعودی عرب میں جبکہ کچھ متحدہ عرب امارات اور قطر میں بھی پیش کی جارہی ہیں۔ کمپنی کو برانڈ منیجر، پرچیزنگ ٹیم لیڈر، میڈیکل سیلز نمائندگان، پراڈکٹ گروپ منیجر، ٹیکنیکل ٹرینر اور پروڈکشن پلانر سمیت سینکڑوں دیگر ملازمین کی ضرورت ہے۔ کمپنی کی طرف سے متعدد پوسٹوں کے لئے منتخب ہونے والوں کو دوران ملازمت ٹریننگ بھی فراہم کی جائے گی۔

ذبح کرنے، گوشت کی فروخت روکنے کیلئے گائے، بیلوں کی تصاویر تھانے میں جمع کرانے کا حکم
اسی طرح Meraas Holdingکی طرف سے بھی دبئی میں فل ٹائم ملازمتوں کی پیشکش کی گئی ہے اس کمپنی کو فسیلٹیز مینجمنٹ، پراسیس امپروومنٹ، گرافک ڈیزائن، رسک منیجر اور ریٹیل و کسٹمر سروس سمیت متعدد شعبوں میں قابل افراد کی ضرورت ہے۔ یہ کمپنی سیاحت، تفریح، ڈویلپمنٹ، ایسٹ مینجمنٹ اور ریئل اسٹیٹ کے شعبوں میں خدمات فراہم کرتی ہے۔ مشہور دبئی پارکس اینڈ ریزورٹس کی ڈویلپمنٹ کا کام بھی یہی کمپنی کررہی ہے۔