”میں نے ان لیجنڈز کیساتھ سیلفی لی ہے اور۔۔۔“ کاجل نے امیتابھ بچن اور کمل ہاسن کیساتھ لی گئی تصویر اپ لوڈ کی تو شرم سے پانی پانی ہو گئیں، دیکھ کر اجے دیوگن کی بھی ہنسی چھوٹ جائے گی

تفریح

نئی دہلی (ڈیلی پاکستان آن لائن) بالی ووڈ اداکارہ کاجل کا نام سنتے ہی ذہن میں ”دل والے دلہنیا لے جائیں گے“ کے مناظر گھوم جاتے ہیں اور بالی ووڈ کا حسین دور یاد آ جاتا ہے۔ وقت کا پہیہ گھوما تو کاجل بھی عمر رسیدہ ہو گئی ہیں مگر آج بھی جوان اور اتنی خوبصورت نظر آتی ہیں کہ دوشیزائیں بھی انہیں دیکھ کر شرمانے میں ہی عافیت سمجھتی ہیں۔

یہ بھی پڑھیں۔۔۔سنی لیونی کزن کی شادی میں ایسے کپڑے پہن کر شریک ہو گئیں کہ دیکھنے والے آنکھیں جھپکنا بھول گئے، دلہا بھی اپنی دلہن کو بھول گیا
وہ سوشل میڈیا پر بھی سرگرم رہتی ہیں اور وقتاً فوقتاً تصاویر اور ویڈیوز اپ لوڈ کر کے مداحوں کا پیار سمیٹتی ہیں مگر اس مرتبہ انہوں نے تصویر اپ لوڈ کرتے ہوئے ایسی غلطی کر دی کہ شرم سے پانی پانی ہو گئیں حتیٰ کہ اگر اجے دیوگن کی نظر یہ غلطی گزرے تو ان کی بھی ہنسی چھوٹ جائے گی۔

انہوں نے اداکار امیتابھ بچن اور کمل ہاسن کیساتھ تصویر بنوائی اور اسے سوشل میڈیا پراپ لوڈ کرتے ہوئے لکھا ”دو لیجنڈز کیساتھ سیلفی ٹائم۔۔۔ میں مزاحمت نہ کر سکی“

کاجل لیجنڈ اداکاروں کیساتھ تصویر بنوانے پر اس قدر پرجوش اور خوش تھیں کہ انہیں اپنی غلطی کا احساس ہی نہ ہوا کہ وہ تصویر کو ”سیلفی“ کہہ رہی ہیں، اب بھلا سوشل میڈیا صارفین کی نظر سے یہ غلطی کیسے چھپ سکتی تھی، انہیں ایک اور موقع مل گیا اور پھر وہی کچھ ہوا جو سوشل میڈیا پر ہوتا ہے۔

یہ بھی پڑھیں۔۔۔نوازشریف کہتے ہیں مجھے کیوں نکلا ،میں پوچھتا ہوں”مینوں کیوں پھڑایا“:ڈاکٹر عاصم

فرح خان نامی صارف نے سوال داغا ”یہ سیلفی ہے میڈم؟“

نشاط نے لکھا ”سیلفی؟ کاجل بہت خوش لگ رہی ہیں“

او ڈی نامی صارف نے لکھا ”یہ سیلفی کیسے ہو سکتی ہے؟“

شاہ رخ خان نامی صارف نے لکھا ”پر آپ کے دونوں ہاتھ لیجنڈز کی کمر پر ہیں۔ پھر سیلفی پیچھے سے لے لی ہے کیا؟“