پریانکا چوپڑا کو شامی مہاجرین بچوں کے کیمپ کا دورہ کرنا مہنگا پڑگیا،تصاویر شیئر کرنے پر سخت تنقید کا سامنا

تفریح

ممبئی(ڈیلی پاکستان آن لائن)بالی ووڈ اداکارہ پریانکا چوپڑہ کوشامی مہاجرین بچوں کے کیمپ کا دورہ کرنا اس وقت مہنگا پڑا جب انہوں نے اپنے اس دورے کی تصاویر سوشل میڈیا پر شیئر کردیں اور عوام کی جانب سے انہیں سخت تنقید کا نشانہ بنایاگیا۔

بھارتی فلم ڈیڑھ عشقیہ میں قابل اعتراض مناظر کی وجہ سے کام سے انکار کردیا تھا: مہوش حیات
بھارتی میڈیا کے مطابق پریانکا چوپڑا نے سماجی رابطے کی ویب سائٹ ٹوئٹر پر شامی مہاجر بچوں کے کیمپ کے دورے کی تصاویر شیئر کیں۔تصاویر کا منظر عام پر آناتھا کہ بھارتی عوام نے بالی ووڈ اداکارہ پر تنقید کے تیر برساتے ہوئے طرح طرح کے مشورے دینا شروع کردیے جبکہ بعض لوگوں نے ان کے اقدام کو سراہا ۔ ٹوئٹر ایک بھارتی شخص نے پریانکا سے کہا کہ ذرا بھارت کے دیہی علاقوں کا بھی دورہ کرنے کی زحمت گوارا کریں جہاں غذا کی کمی کا شکار بچے خوراک کے منتظر ہیں۔واضح رہے کہ اداکارہ پریانکا اس سے قبل اذان سے بھی اپنی محبت کا اظہار کرتے ہوئے یہ بات کہہ چکی ہیں کہ اذان سن کر انہیں بہت سکون ملتا ہے ۔