”مجھے کافی رمضان ٹرانسمیشن میں میزبانی کی پیشکش ہوئی لیکن سب کو انکار کر دیا کیونکہ۔۔۔“ معروف پاکستانی اداکارہ نے ایسی بات کہہ دی کہ آپ بھی داد دینے پر مجبور ہو جائیں گے
کراچی (ڈیلی پاکستان آن لائن )با صلاحیت پاکستانی اداکارہ منشا پاشا نے کہا ہے کہ مجھے رمضان ٹرانسمیشنزکا حصہ بننے کیلئے کئی چینلز کی جانب سے آفرز کی گئیں مگر میں نے انکار کر دیا کیونکہ میں اس نظریے سے اتفاق نہیں کرتی ۔
”پڑھ لو “ کے مطابق اپنے ایک انٹرویو میں رمضان ٹرانسمیشنز کے دوران قوم کی غلط ذہن سازی کرنے پر انہوں نے عامر لیاقت کے پروگرام کو کڑی تنقید کا نشانہ بناتے ہوئے کہا کہ ”مجھے رمضان شوز کا حصہ بننے اور بطور مہمان شرکت کرنے کے حوالے سے متعدد آفرز کی گئیں مگر میں نے ایسا نہیں کیا کیونکہ میں اس نظریے سے متفق نہیں ہوں“۔
اداکارہ نے کہا کہ اس پورے عمل میں بہت سے سوالیہ نشانات ہیں ۔”ایمانداری کی بات ہے کہ ان پروگرامز کو دیکھ کر ایسا لگتا ہے جسے رمضان المبارک کا مذہب سے کوئی لینا دینا نہیں رہا “۔
ایک سوال پر منشا پاشا نے کہا کہ کچھ وقت کے بعد لوگ آپ کو آپ کے کام کی نیچر کی وجہ سے جاننا اور توقعات لگانا شروع ہو جاتے ہیں اور پھر تعریفیں بھی شروع ہو جاتی ہیں ۔
