محبت پر یقین نہیں رکھتا، شادی اصل میں پیسہ بربادی ہے: سلمان خان
ممبئی (ڈیلی پاکستان آن لائن)لاکھوں دلوں پر راج کرنیوالے بالی ووڈاداکار سلمان خان نے انکشاف کیا ہے کہ وہ محبت جیسی کسی چیز پر یقین نہیں کرتے جبکہ شادی اصل میں صرف پیسے کی بربادی ہے۔سلمان خان کا کہنا تھا کہ صحیح معنوں میں اگر کوئی چیز ہے تو وہ’ضرورت‘ ہے، البتہ یہ دیکھنا چاہیے کہ کس کی ضرورت زیادہ ہے اور کس جگہ پر کس طرح کی ہے۔
ایکسپریس نیوز کے مطابق اپنے انٹرویو میں سلمان خان نے شادی، گھرانوں میں رشتہ داری اور آپس کی برابری کے حوالے سے بہت سی باتیں کیں اور ان کا کہنا تھا کہ وہ محبت یا عشق جیسی کسی چیز پر یقین ہی نہیں رکھتے بلکہ انہیں تو ان الفاظ کی وجہ ہی سمجھ میں نہیں آتی۔ایک سوال کے جواب میں ان کاکہناتھاکہ میں آج بھی وہی سلمان ہوں جو پہلے تھا، میں اب بھی رکشے میں سفر کرتا ہوں اور سائیکل چلاتا ہوں۔ انہوں نے اپنے تکلیف دہ ماضی کا حوالہ دیتے ہوئے کہا کہ ان کی زندگی میں ایک وقت ایسا بھی تھا جب وہ چاروں طرف سے مایوسی اور ناامیدی میں گھر چکے تھے تاہم اس دور کے بارے میں انہوں نے کسی سے بات نہیں کی۔ وقت گزرنے کے ساتھ ساتھ وہ ان حالات اور ان سے وابستہ کیفیت سے باہر آگئے۔
