فیصل آباد میں فائرنگ سے پولیس اہلکار جاں بحق ، ملزم فرار
فیصل آباد (ڈیلی پاکستان آن لائن ) فیصل آباد میں فائرنگ سے پولیس اہلکار جاں بحق ہو گیا ۔
نیو نیوز کے مطابق فیصل آباد میں نامعلوم موٹر سائیکل سوار ملزمان نے ہیڈ کانسٹیبل غلام حسین پر اس وقت اندھا دھند فائرنگ کر دی جب وہ گھر سے بازار جا رہا ہے ، فائرنگ کے نتیجے میں وہ موقع پر ہی جاں بحق ہو گیا جس کی لاش قبضے میں لیکر پوسٹ مارٹم کیلئے روانہ کر دی گئی ہے ۔فائرنگ کے بعد ملزمان فرار ہوگئے ۔
ترک صدر اقتصادی تعاون تنظیم سمٹ میں شرکت کیلئے یکم مارچ کو پاکستان آئیں گے
پولیس حکام کا کہنا ہے کہ واقعہ ٹارگٹ کلنگ معلوم ہوتا ہے کیونکہ ملزمان نے تعاقب کرنے کے بعد ایک مقام پر روک کر اہلکار پر فائرنگ کی تاہم واقعے کی تحقیقات کا آغاز کر دیا گیا ہے اورملزمان کی تلاش کیلئے پولیس کی ٹیم تشکیل دیدی گئی ہے ۔
سیکیورٹی خدشات کے باعث پاکستان اور ایم آئی ایف کے مذاکرات منسوخ
پولیس کے مطابق واقعے کے عینی شاہدین کے بیانات بھی قلمبند کیے جا رہے ہیں اور جائے حادثہ کے قریب لگے سی سی ٹی وی کیمروں کی ریکارڈنگ بھی لینے کی کوشش کی جا رہی ہے تاکہ ملزمان کی شناخت کی جا سکے تاہم مقتول کے اہل خانہ نے کسی پر شعبہ ظاہر نہیں کیا ۔
