بین الاقوامی بدھ مت کانفرنس میں دلائی لامہ کی شرکت ، چین نے بھارت کو کھری کھری سنا دیں

صفحہ اول

بیجنگ (مانیٹرنگ ڈیسک)بھارت میں ہونے والی بین الاقوامی بدھ مت کانفرنس میں دلائی لامہ کی شرکت پر چینی دفتر خارجہ کی ترجمان نے مودی سرکار کو متنبہ کرتے ہوئے کہا ہے کہ بھارت کے اس اقدام سے دونوں ممالک کے تعلقات مزید کشید ہ ہوں گے۔دلائی لامہ چین کے غدار ہیں اور بھارت انہیں عزت سے نواز کر چین سے دشمنی مول رہا ہے۔چینی دفتر خارجہ کی ترجمان ہوئی چانگ نے بیجنگ میں میڈیا سے گفتگو کرتے ہوئے کہا ہے کہ بھارت کے اس اقدام سے چین اور بھارت کیدو طرفہ تعلقات خراب ہوجائیں گے۔بھارت نے چین کے خدشات کو نظر انداز کرتے ہوئے چین مخالف نظریات کے حامل دلائی لامہ کو کانفرنس میں مدعو کیا ہے۔یہ سفارتی قوانین کی خلاف ورزی ہے۔چین نے بھارت کو سختی کے ساتھ کہا ہے کہ وہ ایسے اقدامات کرنے سے گریز کرے اور چین کو اپنے موقف سے آگاہ کرے