ہنزہ کی رہائشی آمنہ ضمیر گلگت بلتستان کی پہلی خاتون جج بن گئیں
گلگت (ڈیلی پاکستان آن لائن )وادی ہنزہ کی رہائشی آمنہ ضمیر گلگت بلتستان کی پہلی خاتون سول جج بن گئیں ۔
اے آر وائے نیو ز کے مطابق وادی ہنزہ سے تعلق رکھنے والی ا?منہ ضمیر گلگت بلتستان کی پہلی خاتون سول جج بن گئی ہیں ۔ انہوں نے اسلامک انٹرنیشنل یونیورسٹی سے وکالت کی ڈگری مکمل کرنے بعد دس سال پریکٹس کی اور یونیورسٹی آف لیسٹر برطانیہ سے سکالر شپ پر ایل ایل ایم کی ڈگری بھی حاصل کی۔
آمنہ ضمیر نے گزشتہ سال فیڈرل پبلک سروس کمیشن کا امتحان پاس کیااور بطور سول جج گلگت بلتستان تعینات ہوئیں، ان کی شاندار کارکردگی پر برطانوی ہائی کمیشن کی جانب سے انہیں المنائی ایوارڈ سے بھی نوازا گیا۔