حساس اداروں نے کارسے اسلحہ کی بھاری کھیپ پکڑ لی

گوجرانوالہ (ویب ڈیسک)گوجرانوالہ میں دہشت گردی کا منصوبہ ناکام بنادیاگیا، سی آئی اے پولیس اور حساس اداروں نے مشترکہ کارروائی کے دوران ناکہ بندی پر چن دا قلعہ میں مشکوک کار سے ناجائزاسلحہ کی بھاری کھیپ پکڑ لی۔ برآمداسلحہ میں 20پسٹل اور 13ہزار گولیاں برآمدہوئیں، برآمدہ ایمونیشن میں خود کار اسلحہ کی گولیاں بھی شامل، گرفتار ملزمان میں فردوس سکنہ خیبر ایجنسی اور تعظیم سکنہ سرگودھا شامل ہیں،جو کہ عرصہ دراز سے پنجاب بھر میں ناجائز اسلحہ کی سپلائی کر رہے ہیں۔

پاناما کیس میں وزیر اعظم کے وکیل کے دلائل کے دوران عمران خان اور شاہ محمود قریشی پر نیند کا غلبہ، نعیم بخاری بھی سوتے رہے

سی آئی اے پولیس اور حساس اداروں کو خفیہ اطلاع ملی تھی کہ چند شرپسند عناصر دہشت گردی جیسے خطرناک مقاصد کی تکمیل کے لئے ناجائز اسلحہ کی بھاری کھیپ لے کر گوجرانوالہ شہر میں داخل ہو رہے ہیں۔پولیس نے چن داقلعہ ناکہ بندی کے دوران لاہور سائیڈ سے آتے ہوئے ایک مشکوک سوزوکی کار نمبری Lzz/3675کو روک کر تلاشی لی۔دوران تلاشی کار میں رکھے ہوئے سی این جی سلنڈراور خفیہ خانوں سے اسلحہ اور ایمونیشن کی بھاری مقدار برآمد ہوئی، دو ملزمان فردوس اور تعظیم کو حراست میں لے کر ابتدائی تفتیش عمل میں لائی گئی۔ملزمان نے دوران تفتیش انکشاف کیا کہ وہ شہر میں اسلحہ ڈیلروں سمیت شر پسند عناصر کو اسلحہ کی کھیپ پہنچانا چاہتے تھے۔