حیدر آباد میں بھولاری کے قریب ما ل گاڑیوں میں تصادم ، ڈرائیور سمیت 4افراد زخمی
حیدر آباد (ڈیلی پاکستان آن لائن ) بھولاری کے قریب مال گاڑیوں میں تصادم کے باعث ڈرائیور سمیت 4افراد زخمی ہو گئے ۔
میڈیا رپورٹس کے مطابق بھولاری کے قریب آئل لیجانے والی مال گاڑی دوسری مال بردارٹرین سے ٹکرا گئی ، حادثے میں ڈرائیور سمیت 4افراد زخمی ہیں جنہیں طبی امداد کیلئے سول ہسپتال جامشورو منتقل کر دیا گیا ۔ تصادم کے مال گاڑی کی 6گوگیاں الٹ گئیں جن میں موجود 150ٹن آئل بہہ گیا ۔
ریلوے حکام کا کہنا ہے کہ حادثے کے باعث ریلوے ٹریک پر ٹرینوں کی آمدورفت معطل ہے تاہم بوگیوں کو سیدھا کرنے کی کوشش جاری ہے اور جلد ٹریک کو بحال کر دیا جائے گا۔