کیلی فورنیا کے مقامی سکول میں فائرنگ، 2افراد ہلاک ،متعدد زخمی
سین برناڈینو(ڈیلی پاکستان آن لائن) کیلی فورنیا کے ایک مقامی سکول میں فائرنگ کے نتیجے میں2طلبہ ہلاک جبکہ متعدد زخمی ہوگئے ہیں.
امریکی میڈیا کے مطابق امریکہ کی ریاست کیلیفورنیا کے ایک پرائمری سکول میں مشتبہ قتل اور خود کشی کے واقعے میں کم سے کم دو افراد کو گولیاں لگی ہیں۔حکام کا کہنا ہے کہ نارتھ پارک ایلیمنٹری سکول کو واقعے کے بعد بند کر دیا گیا ہے جہاں یہ حملہ ایک کلاس روم میں ہوا۔
سان برناڈینو کے پولیس سربراہ جیرڈ برگوان کا کہنا ہے کہ دو طالبِ علموں کو ہسپتال پہنچایا گیا ہے۔پولیس جائے وقوعہ پر ہنگامی امداد پہنچانے والے عملے کے ساتھ تفتیش میں مصروف ہے۔پولیس کے مطابق سکول میں صورتحال قابو میں ہے۔
— Chief Jarrod Burguan (@SBPDChief) April 10, 2017
پولیس کے مطابق فائرنگ کا واقعہ سین برناڈینو میں پیش آیا جس کے بعد سکول کو بند کردیا گیا ہے اور طلبہ کو قریبی سکول میں منتقل کردیا گیا۔ پولیس نے علاقے کو گھیر لیااور تلاشی شروع کردی ہے تاہم پولیس کے مطابق یہ ممکنہ طور پر خود کشی کا واقع ہوسکتا ہے۔ اس واقعے کے حوالے سے کچھ کہنا قبل از وقت ہے، پولیس تحقیقات کے بعد ہی اعلان کرے گی۔ایک پولیس اہلکار کے مطابق واقعے میں ایک استاد سمیت تین افراد زخمی ہوئے ہیں۔ زخمیوں میں حملہ آور بھی شامل ہے۔