زمبابوے میں فوجی بغاوت کے بعد صدر موگابے نے استعفیٰ دے دیا
ہرارے (ڈیلی پاکستان آن لائن) زمبابوے کی پارلیمنٹ کے سپیکر نے اعلان کیا ہے کہ صدر رابرٹ موگابے نے اپنے عہدے سے استعفیی دے دیا ہے اور اب ان کے مواخذے کے حوالے سے جاری بحث کا خاتمہ ہو گیا ہے۔
بین الاقوامی میڈیا رپورٹس کے مطابق گذشتہ ہفتے زمبابوے کی حکومت پر فوجی قبضے کے بعد پیدا ہونے والی صورت کو کم کرنے کے لئے صدر موگابے نے اپنے استعفے کا اعلان کردیا ہے۔ سپیکر جیکب مودینا کے مطابق صدر موگابے کے مواخذے کے حوالے سے پارلیمنٹ کا مشترکہ اجلاس مقامی ہوٹل میں ہوا اور اس دوران انہوں نے اپنا تحریری استعفیٰ پارلیمنٹ کو بھجوا دیا ہے، صدر موگابے کی عمر 93سال ہے اور وہ1980سے اقتدار میں ہیں ۔
