ڈونلڈ ٹرمپ نااہل قرار

واشنگٹن(مانیٹرنگ ڈیسک)امریکہ کی چونتیس سالہ تاریخ میں پہلی بار صدارتی امیدوار کو نااہل قرار دے دیا گیا۔امریکی اخبار ”یو ایس ٹوڈے“ نے ری پبلکن امیدوار ڈونلڈ ٹرمپ کو ان کی حرکتوں کی وجہ سے غیر معمولی اقدام کرتے ہوئے نااہل قرار دیا۔ اخبار کے ادارتی بورڈ کی جانب سے ڈونلڈ ٹرمپ کونااہل قرار دیتے ہوئے اپنے اداریئے میں یہ وضاحت بھی کی ہے اسکا مقصد ہیلری کلنٹن کی حمایت ہر گز نہیں۔چونتیس سال میں پہلی بار ایسا ہوا ہے کہ ”یو ایس ٹوڈے “ نے کسی صدارتی امیدوار کے بارے میں رائے کا یوں کھل کر اظہار کیا ہے۔

اخبار اپنے اداریے میں لکھا ہے کہ ادارتی بورڈ نے اہم معاملات میں رائے کا اظہار کیا ہے ۔اخبار لکھتا ہے کہ ہرصدارتی انتخابی دوڑ ایک دوسرے سے مختلف ہوتی ہے،ہم ہر 4 سال بعد اپنی پالیسیوں پر نظرثانی کرتے ہیں ،اس سال دو الگ نظریات رکھنے والی بڑی جماعتوں کے درمیان مقابلہ نہیں ہے ،اس سال ری پبلکن امیدوار ڈونلڈ ٹرمپ ہیں ، جنہیں اخبار کا ادارتی بورڈ متفقہ طور پر صدارت کے لئے نااہل قرار دیتا ہے۔پندرہ ماہ قبل صدارتی امیدوار کے اعلان سے لے کر پہلے صدارتی مباحثے تک ڈونلڈ ٹرمپ نے یہ ثابت کیا ہے کہ وہ مضبوط مزاج کے مالک نہیں ہیں ،ان میں تحمل،معلومات اور دیانت داری کی کمی ہے جو خصوصیات امریکی صدر میں ہونا ضروری ہیں۔اخبار لکھتا ہے کہ ٹرمپ کمانڈر ان چیف کے عہدے کے قابل نہیں ،وہ گمراہ ،خارجہ پالیسی سے نابلد، متعصب، لاپروا، بدمزاج ، جھوٹے اور شاہانہ معیار زندگی گذارنے والے شخص ہیں،یہ ان کی بے حسی ہے یا جہالت ،ٹرمپ نے اس بنیادی عہد کی خلاف ورزی کی جو دوسری جنگ عظیم کے اختتام تک تمام امریکی صدور نے کئے تھے۔