ذوالفقار مرزا نے شرمیلا فاروقی کو کھری کھری سنادیں
کراچی (مانیٹرنگ ڈیسک) سابق وزیرداخلہ سندھ ذوالفقار مرزا نے پریس کانفرنس کرنے اور للکارنے پرپیپلزپارٹی کی رہنماءشرمیلافاروقی کو آڑے ہاتھوں لیااور ایسی بات کہہ ڈالی جو شرمیلافاروقی کی شادی کے بعد اُنہیں شاید نہیں کہنی چاہیے تھی ۔
نجی ٹی وی چینل سے گفتگوکرتے ہوئے ڈاکٹرذوالفقار مرزا نے کہاکہ شرمیلا فاروقی سے کراچی میں کوئی شادی کرنے کو تیارنہیں تھا، وہ تو روتے ہیں اور دل پر پتھر رکھ کر اس غریب کو مبارکباد دی جس نے شرمیلا سے شادی کی ۔
ذوالفقار مرزا کاکہناتھاکہ شرمیلافاروقی دعوے کرتی ہیں کہ وہ جیالی ہیں ، پیپلزپارٹی والوں سے کہتاہوں کہ پہلے اسے جیالی کا مطلب ہی سکھادیں ، وہ پیپلزپارٹی کیلئے جیل کتنی مرتبہ گئی ہیں ؟ ایک دفعہ پکڑی گئی تھیں لیکن وہ بھی گھر سے ملین آف ڈالر کی جیولری، گولڈ واچز ،ڈائمنڈ واچز ، ڈائمنڈ سیٹ اورنقد ڈالر زاورپاو¿نڈز برآمد ہوئے تھے لیکن وہ بھی جب شورمچاتوچھوڑدیاگیا۔اُنہوں نے کہاکہ کوئی جیب کترا بھی جیل کاٹ لے تو کہتاہے کہ پیپلزپارٹی اور بھٹو کیلئے قربانی دی ، مجھ پر اب بھی سیاسی مقدمات بنائے گئے اور اب یہ تماشابند ہوناچاہیے ۔
پیپلزپارٹی کے باغی رہنماءذوالفقار مرزا کاکہناتھاکہ وہ شرمیلافاروقی کے باپ کو بھی جانتے ہیں جن کی گریجویشن کی ڈگری ڈیکلئیر کی گئی تھی اور پھر ان کو سٹیل مل کا چیئرمین لگا دیا گیا جہاں سے لیے گئے اربوں روپے کے بارے میں پوراپاکستان جانتاہے ۔
یادرہے کہ شرمیلا فاروقی سمیت پیپلزپارٹی کی خواتین رہنماﺅں نے گذشتہ روز پریس کانفرنس کی تھی جس دوران کہاگیاتھاکہ مونچھیں رکھنے سے مردانگی نہیں آتی ، وہ اس قابل بھی نہیں تھے کہ تن پر کپڑے ہوں ، سب کچھ آصف زرداری کادیاہواہے اور آج اُسی کے خلاف بول رہے ہیں ۔خواتین نے خبردارکیاکہ وہ اپنی زبان کو لگام دیں ورنہ جوابات سننے کیلئے تیار ہوجائیں ۔
