چورسویٹ افیئرز ریسٹورنٹ سے خاتون کاہینڈ بیگ لے کر رفو چکر، سی سی ٹی وی ویڈیو منظر عام پر آگئی
لاہور (ڈیلی پاکستان آن لائن) لاہور کے علاقے گلبرگ ٹاﺅن کے ریسٹورنٹ ” سویٹ افیئرز“ میں ایک چور نے ہاتھ کی صفائی دکھاتے ہوئے کھانا کھاتی خاتون کاہینڈ بیگ اس طریقے سے غائب کردیا کہ کسی کو کانوں کان خبر نہ ہوئی۔
سی سی ٹی وی ویڈیو میں دیکھا جا سکتا ہے کہ ایک خاتون اپنا ہینڈ بیگ کرسی کی پشت پر لٹکا کر خاندان کے لوگوں کے ہمراہ کھانا کھا رہی ہوتی ہے کہ اسی دوران سوٹ بوٹ میں ملبوس شخص باہر سے ریسٹورنٹ میں داخل ہوتا ہے۔ سوٹ بوٹ میں ملبوس شخص کوئی کسٹمر یا معزز شہری نہیں بلکہ ایک چور تھا جو سیدھا خاتون کی کرسی کی طرف بڑھااور اس کا ہینڈ بیگ اٹھا کر برابر کی خالی میز پر بیٹھ گیا۔جس کے بعد اس نے ہینڈ بیگ اپنے ہاتھ میں پکڑے ہوئے نیلے رنگ کے بڑے شاپر میں ڈالا اور رفو چکر ہو گیا۔ چور نے اس عمدگی سے ہینڈ بیگ غائب کیا کہ خاتون سمیت کسی کو اس چوری کا احساس نہ ہوا اور جب یہ فیملی کھانا کھا چکی تو اس کے بعد خاتون کو اپنے ہینڈ بیگ کے چوری ہونے کا پتا لگا۔
چور کی ہاتھ کی صفائی کی ویڈیو دیکھیں
