خرچہ مانگنے پر شوہر نے بیوی کے سر کے بال کٹوا دیئے
ملتان(ڈیلی پاکستان آن لائن)شجاع آباد میں شوہر نے خرچہ مانگنے پر بیو ی کے سر کے بال کٹوا دیئے۔
تفصیلات کے مطابق ملتان کے علاقے شجاع آباد میں گھریلو جھگڑے اور خرچہ مانگنے پر شوہر نے حجام کو گھر میں بلوا کر بیوی کا سر منڈوا دیا جس کے بعد بیوی تھانے پہنچ گئی ۔متاثرہ خاتون کی درخواست پر پولیس نے اس کے شوہر اور حجام کو حراست میں لے لیا جبکہ پولیس کے مطابق شوہر نے زبردستی بیوی کے بال کٹوا دیئے۔خاتون نے بتایا کہ شوہر گھر کا خرچہ نہیں دیتا تھا اور میں نے خرچہ مانگا تو اس بات پر جھگڑا ہوگیا اور اس نے حجام کو بلوا کر سر کے بال کٹوا دیئے۔