وادی نیلم میں بھارتی فوج کی فائرنگ سے زخمی ایک اور شہری ہسپتال میں دم توڑ گیا
مظفر آباد (مانیٹرنگ ڈیسک ) وادی نیلم میں بھارتی فوج کی فائرنگ سے زخمی ایک اور شخص ہسپتال میں دم توڑ گیا جس کے بعد شہادتوں کی تعداد 11ہو گئی ہے ۔
ایکسپریس نیوز کے مطابق بدھ کے روز وادی نیلم کے علاقے ڈھنڈیال کے قریب بھارتی فوج نے مسافر بس اور ایمبولینس پر فائرنگ کی جس کے نتیجے میں زخمی ہونے والا ایک اور شہری ہسپتال میں زخموں کی تاب نہ لاتے ہوئے شہید ہو گیا ۔بھارتی فوج کی فائرنگ سے زخمی کئی افراد ابھی بھی ہسپتال میں زندگی اور موت کی جنگ لڑ رہے ہیں ۔
ذرائع کا کہنا ہے کہ شہید ہونے والے شخص کی شناخت محمد شفیع کے نام سے ہوئی ہے جو وادی نیلم کا رہائشی ہے ۔