لیگی ایم پی اے کے بیٹوں کا ایم ایس پر مبینہ تشدد ٗپانچ افراد کے خلاف مقدمہ درج
نارووال (این این آئی)نارووال کی تحصیل ہسپتال شکرگڑھ میں مبینہ طور پر ن لیگ کے ایم پی اے کے بیٹوں کی جانب سے ایم ایس ڈاکٹر طارق کو تشدد کا نشانہ بنایا گیا ٗ پولیس نے ایم پی اے کے تین بیٹوں سمیت پانچ افراد کیخلاف مقدمہ درج کرلیا۔
تحصیل ہسپتال شکر گڑھ کے ایم ایس ڈاکٹر طارق کے مطابق (ن )لیگ کے ایم پی اے غیاث الدین کے بیٹوں اورساتھیوں نے ان کے دفتر میں گھس کر سرکاری ادویہ کے اجرا کیلئے لیٹر جاری کرنے کا کہا ، انکار کرنے پر انہوں نے ہنگامہ آرائی کرتے ہوئے تشدد کا نشانہ بنایا ۔پولیس نے ڈاکٹر کی درخواست پر ایم پی اے کے تین بیٹوں ریاض ٗ زید اور محی الدین سمیت 5 ملزمان کیخلاف سٹی تھا نے میں مقدمہ درج کرلیا ٗ مقدمے میں کار سرکار میں مداخلت اور تشدد کی دفعات شامل کی گئیں ہیں تاہم کوئی گرفتاری عمل میں نہیں آئی ہے۔
