ڈیرہ بگٹی ؒ: سنگسیلہ میں بارودی سرنگ کا دھماکا ، 3سیکیورٹی اہلکار زخمی
نصیر آباد (مانیٹرنگ ڈیسک ) ڈیرہ بگٹی کے علاقہ سنگسیلہ میں بارودی سرنگ کا دھماکا ہوا جس کے نتیجے میں 3اہلکار زخمی ہو گئے ۔
ابتک نیوز کے مطابق ڈیرہ بگٹی میں سیکیورٹی فورسز کا سرچ آپریشن جاری تھا کہ اس دوران بارودی سرنگ کا دھماکا ہوا ۔ دھماکے کی زد میں آکر تین اہلکار زخمی ہو گئے جنہیں فوری طور پر ہسپتال منتقل کر دیا گیا ہے۔ دھماکے کے بعد سکیورٹی فورسز نے علاقے کو گھیرے میں لیکر سرچ آپریشن کیلئے نفری بڑھا دی ہے ۔
