ڈاکٹر عاصم کیس سے نام نکلوا دیا جائے تو پاکستان آکر وہ کچھ بتاوں گا جو عوام سننا چاہتے ہیں: سلیم شہزاد
لندن(مانیٹرنگ ڈیسک)ایم کیو ایم کے سینئر رہنما سلیم شہزاد نے کہا ہے کہ ایم کیو ایم پاکستان کے قانونی سربراہ فاروق ستار ہیں۔آج وہ تنہا ہیں لیکن میں ان کے ساتھ کھڑاہوں گا۔
جیو نیوز سے گفتگو کرتے ہوئے انہوں نے پیش کش کی کہ اگر ڈاکٹر عاصم کیس سے میرا نام نکلوا دیا جائے تومیں پاکستان آنے کو تیار ہوں۔ میں پاکستان کے عوام کو وہ بتاوں گا جو وہ سننا چاہتے ہیں۔ 10دن میں تمام صورتحال واضح ہو جائے گی۔
ان کا کہنا تھا کہ میرا نام ڈاکٹر عاصم کیس میں ناجائز طور پر ملوث کیا گیا ہے۔عزیز مصطفی آبادی اور واسع جلیل کی کوئی حیثیت نہیں۔ندیم نصرت کا بیان اور واضح پالیسی کیوں نہیں آرہی۔ ندیم نصرت 2013میں پاکستان آئے اور اب ایم کیو ایم کا حال سب کے سامنے ہے۔
انہوں نے کہا کہ میں نے ۲۰۱۳میں ایم کیو ایم چھوڑ دی تھی۔واضح رہے کہ سلیم شہزاد کا نام ڈاکٹر عاصم سمیت متعدد کیسز میں موجود ہے اور وہ لندن میں جلا وطنی کی زندگی گزار رہے ہیں۔ ان کا شمار الطاف حسین نے انتہائی قریبی ساتھیوں میں ہوتا تھا۔
