پشاور پولیو کا گڑھ،پاکستان سے پوری دنیا میں پولیو پھیل سکتا ہے:ٹیگ
اسلام آباد (مانیٹرنگ ڈیسک)عالمی تکنیکی مشاورتی گروپ (ٹیگ )نے پاکستان سے دنیا بھر میں پولیو کے پھیلنے کا خدشہ ظاہر کر دیا ہے۔میڈیا رپورٹس کے مطابق دنیا بھر میں انسداد پولیو کے لئے تکنیکی مشاورت کی خدمات سر انجام دینے والے گروپ ٹیگ کا پاکستان بارے ہونے والا اجلاس ختم ہو گیا ہے۔اجلاس میں ٹیگ نامی گروپ نے پشاور کو پولیو کا قومی اور بین الاقومی گڑھ قرار دے دیا ہے اور پاکستان سے دنیا بھر میں پولیو کے پھیلنے کا خدشہ ظاہر کیا ہے۔ٹیگ کا کہنا ہے کہ آئندہ 6ماہ میں پاکستان سے عالمی سطح پر پولیو وائرس پھیل سکتا ہے اسلئے سفارش کی گئی ہے کہ وزیرستان میں فوری طور پر پولیو مہم چلائی جائے ۔
