بیت المقدس زمین صرف خطہ زمین نہیں بلکہ یہ مسلمانوں کے لئے سرخ لکیر ہے: شہباز شریف
لاہور(ڈیلی پاکستان آن لائن) وزیر اعلیٰ پنجاب شہباز شریف نے کہا ہے کہ بیت المقدس محض ایک خطہ زمین نہیں بلکہ یہ مسلمانوں کے لئے ایک سرخ لکیر ہے، تمام مسلم امہ کو قبلہ اول کی حفاظت کے لئے مشترکہ جدوجہد کرنا ہوگی۔
حماس نے القدس سے متعلق امریکی اعلان پر نئی ’’ انتفاضہ تحریک‘‘ چلانے کا اعلان کر دیا
سماجی رابطوں کی ویب سائٹ ٹوئٹر پر ٹوئٹ کرتے ہوئے وزیر اعلیٰ پنجاب شہباز شریف کا کہنا تھا کہ ترک صدر طیب اردگان کی جانب سے امریکی صدر کے اقدام کے خلاف او آئی اسی کا اجلاس بلانا ایک بروقت فیصلہ ہے ۔ ہم ترک صدر کی اس مئوقف کی بھرپور تائید کرتے ہیں جس میں انہوں نے ٹرمپ کے اقدامات کو قیام امن کے لئے خطرہ قرار دیا ہے، ہم بطور مسلمان مشترکہ اور مئوثر ردعمل کا اظہار کریں ۔
President @RT_Erdogan's decision to convene meeting of the OIC is very timely. We fully endorse the views of Turkish President & firmly hold that the Trump Admin has done a huge disservice to peace process. We, the Muslims, should come up with a collective & effective response!
— Shehbaz Sharif (@CMShehbaz) December 7, 2017
ایک اور ٹوئٹ میں شہباز شریف نے مغربی ممالک کو مخاطب کرتے ہوئے کہا ہے کہ اگر آپ بیت المقدس کو ایک متنازعہ زمین کہتے ہیں لیکن آپ کو علامہ اقبال کے اس شعر کا جواب بھی دینا ہوگا جس میں انہوں نے پوچھا تھا کہ
ہے خاکِ فلسطیں پہ یہودی کااگرحق
ہسپانیہ پرحق نہیں کیوں اہلِ عرب کا
"Jerusalem is the red line for Muslims!"
— Shehbaz Sharif (@CMShehbaz) December 7, 2017
O the west! Pls wake up to the call of @RT_Erdogan.
If, to u, it's a land-dispute, Iqbal asks u:
ہےخاکِ فلسطیں پہ یہودی کااگرحق
ہسپانیہ پرحق نہیں کیوں اہلِ عرب کا
The Ummah must voice unanimous stance to safeguard Qibla-e-Awwal's sanctity
شہباز شریف کا مزید کہنا تھا کہ مغربی ممالک کو طیب اردگان کی آواز پر لبیک کہنا ہو گا اور تمام مسلم امہ کو بھی یک زبان ہو کر قبلہ اول کی حفاطت کے لئے اپنی آواز بلند کرنی ہوگی۔
ڈیلی پاکستان کا یو ٹیوب چینل سبسکرائب کرنے کے لیے یہاں کلک کریں