نواز شریف نے نیب ریفرنسز کو سپریم کورٹ میں چیلنج کرنے کا فیصلہ کر لیا

قومی

اسلام آباد (ڈیلی پاکستان آن لائن )سابق وزیر اعظم نواز شریف نے اپنے خلاف بننے والے نیب ریفرنسز کو سپریم کورٹ میں چیلنج کرنے کا فیصلہ کر لیا ۔نجی نیوز چینل دنیا نیوز کے مطابق نواز شریف کی جانب سے تینوں ریفرنسز کے خلاف آئینی درخواست آج دائر کیے جانے کا امکان ہے ۔مجوزہ درخواست میں عدالت سے استدعا کی جائے گی کہ قانون کے تحت اثاثے جتنے بھی ہوں ریفرنس ایک ہی فائل ہوتا ہے ،نیب کو 3ریفرنسز ایک ریفرنس میں بدلنے کا حکم دیا جائے ۔واضح رہے کہ شریف خاندان کے خلاف نیب نے احتساب عدالت میں عزیزیہ اسٹیل ملز،ہل میٹل اور فلیگ شپ انویسٹمنٹ کے ریفرنسز دائر کر رکھے ہیں ۔
مزید خبریں :ہنگامہ آرائی کی آڑ میں پراسیکیوشن ٹیم پر حملے کی کوشش کی گئی، رپورٹ نیب ہیڈ کوارٹر بھجوادی گئی