نوازشریف شیرکی طرح بہادراورعمران گیدڑکی طرح بزدل ہیں:سعد رفیق
لاہور(ڈیلی پاکستان آن لائن) وزیر ریلوے خواجہ سعد رفیق نے کہا ہے کہ نواز شریف شیر کی طرح بہادر جبکہ عمران خان گیدڑ کی طرح بزدل ہیں ، تحریک انصاف کے سربراہ نے ٹھیک کہا ہے کہ گیدڑ تحریک نہیں چلا سکتے ۔
مریم نواز کا نام ایک ایسی فہرست میں آ گیا کہ دیکھ کر نواز شریف کی خوشی کی کوئی انتہا نہ رہے گی
چیئرمین تحریک انصاف عمران خان کے اوکاڑہ میں کئے جانے والے خطاب پر سماجی رابطوں کی ویب سائٹ ”ٹوئٹر“ پر ردعمل میں دیتے ہوئے وزیر ریلوے خواجہ سعد رفیق کا کہنا تھا کہ نواز شریف شیر کی طرح بہادر اور عمران گیدڑ کی طرح بزدل شخص ہے ، عمران نے ٹھیک کہا گیدڑ تحریک نہیں چلا سکتے اسی لیے وہ کوئی تحریک چلانے کے قابل نہیں ہیں۔
نواز شریف شیر کی طرح بہادر اور عمران گیدڑ کی طرح بزدل شخص ھے۔
— Khawaja Saad Rafique (@KhSaad_Rafique) December 17, 2017
عمران نے ٹھیک کہا گیدڑ تحریک نہیں چلا سکتے اسی لیے وہ کوٸ تحریک چلانے کے قابل نہیں ھیں
نواز شریف نے استقلال سے مشرف دور میں 17 ماہ جیل کاٹی جبکہ عمران خان ڈیرہ غازی خان میں 5دن تک جیل نہیں کاٹ سکے۔ سعد رفیق کا مزید کہنا تھا کہ عدلیہ کا بے حد احترام کرتے ہیں لیکن قانون کے منافی فیصلوں پر تنقید ہوگی اور بلا جواز الزامات کا جواب دیا جائے گا۔ بد زبانی نہیں کرنا چاہتے مگر جھوٹ بولو گے تو منہ توڑ جواب دیں گے۔عمران نے خود جوئے اور بال ٹمپرنگ کا اعتراف کیا ، ملک کو عدم استحکام سے دو چار کرنے کی سازش کر کے عمران کس کا کام کر رھے ہیں ؟؟
عدلیہ کا بے حد احترام کرتے ھیں لیکن قانون کے منافی فیصلوں پر تنقید ھو گی۔
— Khawaja Saad Rafique (@KhSaad_Rafique) December 17, 2017
بلا جواز الزامات کا جواب دیا جاۓ گا۔
وزیر ریلوے کا مزید کہنا تھا کہ میاں نواز شریف نے سنگین سیکیورٹی الرٹ کے باوجودعدلیہ بحالی تحریک کی قیادت کی جبکہ عمران خطرے کے خوف سے اسلام آباد میں چھپا رہا۔نواز شریف کِسی دھمکی دباواور مالی پیشکش کو خاطر میں نہیں لائے اور انہوں نے عالمی طاقتوں کا شدید دباو مسترد کر کے ایٹمی دھماکوں کا فیصلہ کیا۔
میاں نواز شریف نے سنگین سیکیورٹی الرٹ کے باوجودعدلیہ بحالی تحریک کی قیادت کی ۔
عمران خطرے کے خوف سے اسلام آباد میں چھُپا رہا۔
— Khawaja Saad Rafique (@KhSaad_Rafique) December 17, 2017
وزیر ریلوے نے ایک اور ٹوئٹ میں کہا کہ عمران نے جہانگیر ترین کا کھایا اور انہیں ہی قربانی کا بکرا بنا دیا۔عمران شعبدہ بازی اور گمراہ کُن پروپیگنڈا پر بے شرمی کی حد تک یقین رکھتے ھیں۔ دوسروں کو گالیاں دینے والا خود سر سے پاؤں تک گالی ھے۔
