پی ایس 114: ووٹوں کی دوبارہ گنتی کے کیس کی سماعت 19 جولائی تک ملتوی

قومی

اسلام آباد (ڈیلی پاکستان آن لائن) الیکشن کمیشن آف پاکستان نے سندھ اسمبلی کے حلقہ پی ایس 114 میں ووٹوں کی دوبارہ گنتی کے کیس کی سماعت 19 جولائی تک ملتوی کردی۔
تفصیلات کے مطابق ایم کیو ایم پاکستان کے امیدوار کامران ٹیسوری کی ووٹوں کی دوبارہ گنتی کی سماعت الیکشن کمیشن آف پاکستان میں ہوئی ۔ پیپلز پارٹی کے امیدوار سعید غنی کی جانب سے سینیٹر اعتزاز احسن الیکشن کمیشن میں پیش ہوئے جبکہ کامران ٹیسوری کے وکیل عدالت میں پیش نہ ہو سکے۔
کامران ٹیسوری نے الیکشن کمیشن کو درخواست دی کہ ان کے وکیل بیمار ہیں اس لیے سماعت میں پیش نہیں ہو سکتے۔ چیف الیکشن کمشنر نے ایم کیو ایم پاکستان کے امیدوار کی درخواست منظور کرتے ہوئے مزید سماعت 19 جولائی تک ملتوی کردی اور ریمارکس دیے کہ اگر بدھ کو کامران ٹیسوری کے وکیل پیش نہ ہوئے تو ووٹوں کی دوبارہ گنتی کی درخواست مسترد کردی جائے گی۔