سپریم کورٹ کا آئی ایس آئی ،ایم آئی کو بھی جے آئی ٹی کا حصہ بنانے کا حکم
اسلام آباد(ڈیلی پاکستان آن لائن)سپریم کورٹ نے پانامہ کیس کا فیصلہ سناتے ہوئے جے آئی ٹی بنانے کا حکم دیدیا ہے اور وزیراعظم،حسن اور حسین نواز کوجے آئی ٹی،آئی ایس آئی،ایم آئی،ایف آئی اے ،نیب اور ایس ای سی پی کے نمائندوں کے سامنےپیش ہونے کا بھی حکم دیا ہے۔ عدالت نے فیصلہ سناتے ہوئے حکم دیا کہ جے آئی ٹی ہر دو ہفتے بعد بنچ کو رپورٹ پیش کرے گا اور تحقیقات 2 ماہ میں مکمل کی جائیں گی جبکہ جے آئی ٹی 7دن میں تشکیل دی جائے۔عدالت نے فیصلے میں لکھا کہ ڈی جی ایف آئی اے وائٹ کالر کرائم روکنے میں ناکام رہے جبکہ چیئرمین نیب اپنا کام کرنے میں ناکام رہے۔عدالت نے فیصلہ دیا کہ وزیراعظم کی اہلیت کا فیصلہ جے آئی ٹی کی رپورٹ کے بعد ہوگا۔