انسداد پولیو مہم میں کوئی غفلت برداشت نہیں ہو گی: شہباز شریف
لاہور(مانیٹرنگ ڈیسک)وزیر اعلیٰ پنجاب میاں محمد شہباز شریف نے کہا ہے کہ صوبے بھر میں پولیو کے خاتمے کے لئے عظیم عزم اور جذبے کے ساتھ کام کر رہے ہیں اور پولیو کا خاتمہ ہماری اہم ترجیح ہے تاکہ آئندہ نسلوں کو پولیو سے پاک کیا جا سکے۔ انسدا د پولیو سیل کے اجلاس سے خطاب میں ان کا کہنا تھا کہ پولیو مہم چلانے کے دوران کوئی بھی غفلت برداشت نہیں ہو گی اور جو بھی غفلت کا مرتکب پایا گیا اس کے خلاف سخت ترین کاروائی ہو گی۔
