مئی کے دوران پٹرولیم مصنوعات کی موجودہ قیمتیں برقرار رہیں گی : اسحاق ڈار
اسلام آباد (ڈیلی پاکستان آن لائن ) وفاقی حکومت نے آئندہ ایک ماہ کیلئے پٹرولیم مصنوعات کی موجودہ قیمتیں برقرار رکھنے کا اعلان کر دیا ۔
میڈیا رپورٹس کے مطابق وزیر اعظم سے ملاقات کے بعد وزیر خزانہ اسحاق ڈار نے پریس کانفرنس کرتے ہوئے بتایا کہ مئی کے مہینے کیلئے پٹرولیم مصنوعات کی قیمتوں میں ردوبدل نہیں کی جا رہی اور موجودہ قیمتیں ہی برقرار رہیں گی ۔ڈان لیکس معاملے پر مشاورت کیلئے بلائے گئے اجلاس میں وفاقی وزیر داخلہ چودھری نثار علی خان بھی موجود تھےجس میں پٹرولیم مصنوعات کی موجودہ قیمتیں برقرار رکھنے کا فیصلہ کیا گیا۔
انہو ں نے کہا کہ وزیر اعظم کی ہدایت کے مطابق مٹی کے تیل اور لائٹ ڈیزل کی موجودہ قیمت میں کوئی ردوبدل نہیں کی جا رہی بلکہ آئندہ ایک ماہ کیلئے قیمتیں برقرار رکھنے کیلئے حکومت کی جانب سے سبسڈی دی جا رہی ہے ۔
وزیر خزانہ نے کہا کہ مئی کے مہینے میں بھی پٹرول کی موجودہ قیمت 74روپے ہی برقرار رہے گی جبکہ ڈیزل 83روپے اور مٹی کے تیل اور لائٹ ڈیزل کی موجودہ قیمتوں میں بھی کوئی ردوبدل نہیں کیا جا رہا۔
انہو ں نے کہا کہ اوگرا کی جانب سے قیمتوں میں ردوبدل کی تجویز دی گئی تھی مگر حکومت نے مئی کیلئے موجودہ قیمتیں برقرار رکھنے کا فیصلہ کیا ہے ۔