جرمن سفیرکا پشاور کے مختلف علاقوں کا دورہ ،بال کٹوائے،افغان مہاجرین کے کیمپ بھی گئے

پشاور

پشاور(آن لائن)جرمن سفیر مارٹن کوبلر نے پشاور کے مختلف علاقوں کا دورہ کیا اور حجام سے بال کٹوائے۔تفصیلات کے مطابق پاکستان میں تعینات جرمن سفیر مارٹن کوبلر نے پشاور کا دورہ کیا اور بازاروں میں سکیورٹی کے بغیر بلا خوف شاپنگ کی اور ایک عام حجام سے بال بھی کٹوائے اور تصویر بنوائی۔اس کے علاوہ جرمن سفیر نے ایڈیشنل چیف سیکرٹری فاٹا سے ملاقات کی، نوشہرہ میں افغان مہاجرین کے کیمپ کا دورہ کیا اور حیات میڈیکل کمپلیکس کے دورہ پر انہوں نے مالی امداد کا بھی اعلان کیا ہے۔