وفاقی حکومت کی جانب سے سزائے موت پر پابندی کے خلاف لاہور ہائی کورٹ میں اپیل دائر
راولپنڈی ( مانیٹرنگ ڈیسک )5 دہشت گردوں کی سزائے موت پر پابندی کے خلاف حکومت پاکستان کی جانب سے درخواست دائر کر دی گئی ہے۔تفصیلات کے مطابق عدلیہ کی جانب سے 5 دہشت گردوں کی سزائے پر عمل درآمد روکنے کے خلاف وفاقی حکومت کی جانب سے لاہور ہائی کورٹ بار کے راولپنڈی بنچ میں درخواست دائر کی گئی ہے جس میں حکومت کی جانب سے موقف اختیار کیا گیا ہے کہ وکلاءنے غلط بیانی کرتے ہوئے حکم امتناعی حاصل کیا ہے جس کو کالعدم قرار دیا جائے اور فیصلہ واپس لیا جائے تاکہ مجرمان کو دی گئی سزائے موت پر عمل درآمد کیا جا سکے۔عدلیہ کی جانب سے درخواست سماعت کے لیے منظور کر لی گئی ہے جس کی سماعت بدھ کے روز ہو گی۔وفاقی حکومت کی جانب سے درخواست ڈپٹی اٹارنی جنرل نے جمع کروائی۔
