پیپلزپارٹی نے مردم شماری کے طریقہ کار کو سندھ ہائی کورٹ میں چیلنج کر دیا

علاقائی

کراچی (آن لائن) پیپلزپارٹی نے مردم شماری کے طریقہ کار کو سندھ ہائی کورٹ میں چیلنج کر دیا ۔ وفاقی حکومت اور ادارے شماریات کو فریق بنایا گیا ہے ۔ تفصیلات کے مطابق پیر کے روز پیپلزپارٹی کے سینیٹر فرحت اللہ بابر نے سندھ ہائی کورٹ میں مردم شماری کے طریقہ کار کو چیلنج کرتے ہوئے درخواست دائر کی ہے جس میں موقف دائر کیا کہ مردم شماری کو وقتی طور پر روک کر حکومت تمام طبقات کے تحفظات کو دور کرے کیونکہ مردم شماری پر حکومت نے صوبوں کے شکوک و شبہات دور نہ کئے تو یہ ملک اور فیڈریشن کے لئے اچھا نہیں ہو گا ۔ بلوچستان اور خیبرپختونخوا مردم شماری پر اپنے تحفظات کا اظہار کر چکے ہیں اور پیپلزپارٹی کا بنیادی مطالبہ ہے کہ مردم شماری میں شفافیت ہونی چاہئے ۔

مردم شماری/چیلنج