ایسی ایجاد جو آپ کو جھٹکے دے کر وزن قابو میں رکھے
برمنگھم (نیوز ڈیسک) موٹاپے پر قابو پانے کیلئے خوراک میں کمی کرنے اور سخت ورزش کا سہارا لینے جیسی بے شمار تراکیب ا ستعمال کی جا چکی ہیں لیکن پہلی دفعہ بجلی کے جھٹکے سے موٹاپا روکنے کی ٹیکنالوجی تیار کر لی گئی ہے۔ منیش سیٹھی نامی سائنسدان نے کلائی پر پہننے والی ایک ایسی پٹی تیار کی ہے جو غیر صحت بخش غذاﺅں یا ضرورت سے زائد کھانے کی صورت میں بازو پر بجلی کا جھٹکا لگائے گی اور یوں رفتہ رفتہ دماغ میں یہ بات محفوظ ہو جائے گی کہ مضر صحت یا ضرورت سے زائد کھانے سے بچنا ضروری ہے۔
ایک ہفتے میں 6کلو وزن کم کرنے کے آسان طریقےجاننے کے لئے کلک کریں
سائنسدان کا کہنا ہے کہ اس پٹی کی تیاری مشہور ماہر نفسیات پاولوو کے کلاسیکل کنڈیشننگ کے اصول کے مطابق کی گئی ہے جس میں منفی سرگرمیوں کو ناپسندیدہ محرک کے استعمال سے ختم کیا جاتا ہے۔ صحافی ای جے ڈکسن نے اس پٹی کے استعمال کے بعد بتایا کہ اس کا کرنٹ یوں محسوس ہوتا ہے جیسے کوئی چمٹی کے ساتھ بازو کے بال کھینچ رہا ہو۔ اس برقی پٹی کو Pavlok کا نام دیا گیا ہے اور اس کے موجد کا کہنا ہے کہ اس میں یہ صلاحیت ہے کہ یہ ناقص خوراک یا بسیار خوری کا پتا لگا کر جھٹکا لگاتی ہے۔ اسے اگلے سال سے 244 ڈالر (تقریباً 24400 پاکستانی روپے) میں فروخت کیلئے پیش کر دیا جائے گا۔
