گوتھیہ فٹبال کپ ،اسلام آبادنے بھارتی ٹیم رائزنگ سن کو 12گول داغ دئیے

بیجنگ (نیٹ نیوز ) چین میں جاری انڈر18 گوتھیہ فٹبال کپ میں اسلام آباد فٹبال ایسوسی ایشن نے بھارت کی ٹیم رائزنگ سن سوکر اکیڈمی کو 12۔0سے شکست دی۔پاکستانی کھلاڑیوں نے پہلے ہی ہاف میں7گول کر کے میچ کو یکطرفہ کردیا تھا۔پاکستان کی جانب سے حسام خان نے چار ،شہریار خان نے تین اور علی امام نے دو گول کیے جبکہ نوفل حسین ،احتشام اور عبداللہ شاہ نے ایک ایک گول کیا۔ٹورنامنٹ میں پاکستان نے کل چھ میچ کھیلنے ہیں جن میں سے چار میچ کھیل لیے ہیں۔پاکستان نے اس سے قبل چین ،اتھوپیا اور بنگلہ دیش کو بھی شکست دی ہے۔پاکستان کی اس شاندار جیت کے بارے میں میڈ یا کے کسی چینل نے لوگوں کو آگاہ نہیں کیا جس کی وجہ سے زیادہ تر لوگ اس خوشخبری سے محروم رہے اور الیکٹرانک میڈ یا پر خبر نہ چلنے کی وجہ سے پاکستانی سوشل میڈ یا پر بھی اس کا زیادہ تذکرہ نہیں ہو رہا۔