ہمارے بیٹسمین ابھی تک پرانی طرز پر بیٹنگ کررہے ہیں،مجھے کوئی یہ بات سمجھادے کہ جنید خان کو کیوں باہربٹھاتے ہیں؟:شعیب اختر
لاہور(ڈیلی پاکستان آن لائن)قومی کرکٹ ٹیم کے سابق فاسٹ باولرشعیب اختر نے کہا ہے کہ ہمارے بیٹسمین تاحال پرانی طرز پر بیٹنگ کررہے ہیں،جدید کرکٹ میں 300 رنز کرنا عام بات ہے،مجھے کوئی یہ بات سمجھا دے کہ جنیدخان کو باہر کیوں بٹھاتے ہیں؟
سنجی ٹی وی جیو نیو ز سے گفتگوکرتے ہوئے سابق فاسٹ باولر شعیب اختر کا قومی کرکٹ ٹیم کی جانب سے خرا ب کارکردگی پر اظہارخیال کرتے ہوئے کہنا تھا کہ 300رنز بنا نا آج کے دور میں عام بات ہے،ہمارے بیٹسمین نے پتہ نہیں کہاں سے میچ کھیلنا سیکھا ہے کہ 26گیندوں سے 7رنز بنا رہے ہیں۔ہماری ٹیم کی سلیکشن ٹھیک نہیں ہوئی،کامران اکمل کو اوپنر لے کر جانا چاہیے تھاجبکہ شعیب ملک کو فورم میں آنے میں وقت لگتا ہے۔انہوں نے کہا کہ جب بیرون ملک میچ کھیلنے جاتے ہوتو آپ کو یہ پتا ہونا چاہیے کہ آپ کس کے ساتھ کھیل رہے ہو اور کس طریقے سے کھیلناہے۔آج بھارت کی ٹیم اچھی ہے اور ہمیں اس بات کو تسلیم کرنا ہوگا۔
