معروف سپورٹس صحافی زینب عباس پاکستان کی کس معروف ترین سیاسی شخصیت کی بیٹی ہیں؟ جان کر آپ کی حیرت کی انتہاءنہ رہے گی
لاہور (ڈیلی پاکستان آن لائن) آئی سی سی چیمپینز ٹرافی میں اے بی ڈویلییئرز اور ویرات کوہلی پر سیلفی کا ”جادو“ چلانے والی زینب عباس اس وقت سوشل میڈیا پر چھائی ہوئی ہیں اور بھارتی میڈیا بھی انہیں ”دشنام“ قرار دینے کی کوشش میں مصروف ہے تاہم بہت کم لوگ یہ جانتے ہیں کہ وہ پاکستان تحریک انصاف کی رہنماءعندلیب عباس کی بیٹی ہیں۔
زینب عباس نے یونیورسٹی اور وارویک سے ماسٹرز کی ڈگری حاصل کر رکھی ہے اور نجی ٹی وی پر سپورٹس اینکر ہیں اور یہ اعتراف کرتی ہیں کہ کرکٹ ان کی زندگی ہے۔ وہ اس وقت چیمپینز ٹرافی 2017ءکی کوریج کیلئے انگلینڈ میں موجود ہیں جہاں انہوں نے اے بی ڈویلیئرز اور ویرات کوہلی کیساتھ سیلفی لی تو وہ دونوں ہی اپنے اپنے میچوں میں 0 پر آﺅٹ ہو گئے جس کے بعد بھارتی میڈیا نے حیران کن طور پر یہ دعویٰ کر دیا کہ وہ جس کیساتھ بھی سیلفی لیتی ہیں اس پر ”شراپ“ آ جاتا ہے۔
Eid with family... pic.twitter.com/ZRQPIj6hXV
— Andleeb Abbas (@AndleebAbbas) July 20, 2015
@AndleebAbbas ma'am miss what is your relations with miss zainab
— Y A S I R (@Yasirhere) July 20, 2015
@Yasirhere she happens to be my daughter:)))
— Andleeb Abbas (@AndleebAbbas) July 20, 2015
زینب عباس نے گزشتہ عید کے موقع پر جب اپنی والدہ عندلیب عباس اور فیملی کے دیگر اراکین کیساتھ تصویر اتار کر سوشل میڈیا پر اپ لوڈ کی تو دیکھنے والے حیران رہ گئے اور پوچھنے لگ گئے کہ آخر ان دنوں کا کیا رشتہ ہے جس پر عندلیب عباس نے جواب دیتے ہوئے کہا تھا کہ ”یہ میری بیٹی ہے۔“
زینب عباس پاکستان کے سابق کپتان اور تحریک انصاف کے چیئرمین عمران خان، شاہد خان آفریدی ، محمد عامر اور رمیز راجہ سمیت کئی معروف کرکٹرز کے انٹرویوز کر چکی ہیں اور یہ سلسلہ جاری ہے۔