عماد وسیم اور بابر اعظم ”اغواء“ ہو گئے

کھیل

لاہور (ڈیلی پاکستان آن لائن) نامعلوم ہیکرز نے  قومی کرکٹرز بابر اعظم اور عماد وسیم کے فیس بک اور انسٹاگرام اکاﺅنٹ ”اغواء“ (ہیک) کر لئے ہیں۔

یہ بھی پڑھیں۔۔۔ ”نواز شریف دا صدقہ دے رئے آں۔۔۔“ شیخ رشید اتوار کو صبح سویرے ایسا کام کرتے ”رنگے“ ہاتھوں پکڑے گئے کہ شہری بھی حیران رہ گئے، اس دوران شیخ رشید نے کیا کہا؟ جان کر مسلم لیگ (ن) کے رہنماءتلملا اٹھے گے
دونوں نے اپنے ٹوئٹر اکاﺅنٹس پر فیس بک اور انسٹاگرام اکاﺅنٹس ہیک ہونے کی تصدیق کی تاہم عماد وسیم کے مطابق ان کا انسٹاگرام اکاﺅنٹ تک واپس مل گیا ہے لیکن فیس بک اکاﺅنٹ اب بھی واپس نہیں مل سکا۔

عماد وسیم نے اپنے پیغام میں کہا ”دوستوں میرا فیس بک اور انسٹاگرام اکاﺅنٹ ہیک ہو گیا ہے۔ جب بھی یہ مجھے واپس ملیں گے تو میں ٹویٹ کر دوں گا، تب تک یہ اکاﺅنٹ میرے پاس نہیں ہیں۔“

اس ٹویٹ کے کچھ ہی دیر بعد انہوں نے دوبارہ ایک ٹویٹ میں انسٹاگرام اکاﺅنٹ واپس مل جانے کی خوشخبری سنائی تاہم فیس بک اکاﺅنٹ اب بھی ہیک ہی ہے۔ انہوں نے لکھا ”انسٹاگرام واپس مل گیا لیکن فیس بک اب بھی ہیک ہے۔“

دوسری جانب بابر اعظم نے اپنے ٹوئٹر اکاﺅنٹ پر جاری پیغام میں کہا ”میرا تصدیق شدہ فیس بک پیج اور انسٹاگرام اکاﺅنٹ ہیک ہو گیا ہے۔ انشاءاللہ میں انہیں واپس حاصل کروں گا، آپ کو پیش رفت سے آگاہ کرتا رہوں گا۔“