نیوزی لینڈ نے پاکستان ویمن کرکٹ ٹیم کو ٹی ٹوئنٹی سیریز میں وائٹ واش کر دیا ، صوفی ڈیوائین میچ کے ساتھ سیریز کی بھی بہترین کھلاڑی قرار

کھیل

شارجہ(ڈیلی پاکستان آن لائن)پاکستان ویمن کرکٹ ٹیم کونیوزی لینڈ کے خلاف 4میچز کی ٹی ٹوئنٹی سیریز میں وائٹ واش ہوگیا،سیریز کے آخری میچ میں کیویز 7وکٹ سے فاتح، پلئیر آف دی میچ کے ساتھ ،سیریز میں بہترین کارکردگی دکھانے پر پلئیر آف دی سیریز کا اعزاز بھی لے اڑیں۔


تفصیلات کے مطابق پاکستان اور نیوزی لینڈکے کے درمیان چار میچز کی سیریز کے آخری میچ میں پاکستان نے ٹاس جیت کر پہلے کھیلنے کا فیصلہ کیا،مقررہ اوورز میں 8وکٹوں کے نقصان پر صرف 89رنز بنائے،جس میں 36رنزتو جویریہ خان کے ہی تھے ۔
پاکستان ٹیم کوبے بس کرنے میں سب سے بڑا ہاتھ ایچ ایم رائے کاتھاجس نے 3کھلاڑیوں کو پویلین کی راہ دکھائی،جبکہ ہڈلیسٹن کے حصے 2اور تہیو کے حصے ایک وکٹ آئی۔
ہدف کے تعاقب میں نیوزی لینڈ کی صوفی ڈیوائین نے 41رنز بناتے ہوئے اپنی ٹیم کو 3وکٹوں کے نقصان پر 11اوورز قبل ہی فتح دلادی،جبکہ ان کی ساتھی ستھیروائیٹ نے 35رنز بنائے۔پاکستان کی جانب سے ایمن انور نے 2اور انعم امین نے ایک وکٹ حاصل کی۔
پاکستانی خواتین کی ٹیم  نیوزی لینڈ کے خلاف اس پوری سیریز میں بیٹنگ اور باﺅلنگ دونوں شعبوں میں مکمل ناکام رہی ، چار میچز کی سیریز کے تما م میچز یکطرفہ ثابت ہوئے جس میں مخالف ٹیم ہر میچ آسانی سے جیتتی رہی ۔