ٹی ٹوئنٹی کرکٹ میں پاکستان کی جانب سے سب سے زیادہ سکور بنانے پر احمد شہزاد نے شعیب ملک کو مبارکباد دی تو آگے سے ’ملک صاحب‘نے ’سیلفی بوائے ‘کو ایسی جگت کردی کہ سوشل میڈ یا پر ہنسی کا طوفان آگیا ،آپ بھی اپنی ہنسی پر قابو نہ رکھ پائیں گے

کھیل

لاہور (ڈیلی پاکستان آن لائن )ورلڈ الیون کے خلاف گزشتہ روز شعیب ملک نے 39رنز بنا کر ٹی ٹوئنٹی کرکٹ میں سب سے زیادہ سکور بنانے پاکستانی کا اعزاز حاصل کیا تو سوشل میڈ یا پر انہیں خوب مبارکباد دی گئی ،دیگر کھلاڑیوں کی طرح احمد شہزاد نے بھی شعیب ملک کے اہم سنگ میل پر تعریفوں کے پل باندھے تو جواب میں شعیب ملک نے ’سیلفی بوائے‘کو ایسی جگت کردی کہ وہ شرم سے پانی پانی ہو گئے اور سوشل میڈ یا پر ہنسی کا طوفان آگیا ۔
تفصیل کے مطابق ٹی ٹوئنٹی کرکٹ میں سب سے زیادہ سکور بنانے پر سوشل میں میڈیا پر دیگر کھلاڑیوں نے شعیب ملک کو مبارکباد دی ۔اس موقع پر شعیب ملک نے مائیکرو بلاگنگ ویب سائٹ ٹوئٹر پر پیغام دیتے ہوئے کہا کہ ”لاہور تسی گریٹ ہو ،آج آپ کی سپورٹ نے مجھ سمیت تمام کھلاڑیوں کے رونگٹے کھڑے کردیے “۔

اس پیغام پر احمد شہزاد نے شعیب ملک سے کہا ”لاہور تو گریٹ ہے ہی،آپ بھی بہت گریٹ ہو“،اس تاریخ ساز سیریز میں کیا شاندار کامیابی حاصل کی ہے ،مبارک ہو ۔

احمد شہزاد کے اس پیغام پر جواب دیتے ہوئے شعیب ملک نے شرارتی انداز میں کہا ”شکریہ بھائی ،کبھی مجھے بھی موقع دو ،آپ کو گریٹ بولنے کا “۔شعیب ملک کے اس پیغام کے بعد سوشل میڈ یا پر ہنسی کا طوفان آگیا اور لوگوں نے ان کے اس ٹوئٹ کو خوب پسند کیا ۔


مزید خبریں :”اپنے ملک جا کر یہ بات دوسرے کھلاڑیوں کو بھی بتاﺅں گا“ورلڈ کلاس کھلاڑی ہاشم آملہ نے پاکستان کی ایسی خوبی بیان کردی کہ آپ کو بھی خود پر فخر محسوس ہو گا