سری لنکن کھلاڑی سورنگا لکمل نے بھارتی ’سورماﺅں‘ کو ہلا کر رکھ دیا، ایسا کام کر دیا کہ بھارتی بلے باز دنیا بھر میں شرمندہ ہو گئے، ویرات کوہلی کیساتھ بھی ایسا سلو ک کیا کہ بھارتی سر پیٹتے رہ گئے
کلکتہ (ڈیلی پاکستان آن لائن) سری لنکن باﺅلر سورنگا لکمل نے بھارت کیخلاف کھیلے جانے والے ٹیسٹ میچ میں تباہ کن باﺅلنگ کرتے ہوئے بھارتی ’سورماﺅں‘ کو ہلا کر دیا اور 6 اوورز کراتے ہوئے کوئی سکور دئیے بغیر 3 کھلاڑیوں کو پویلین کی راہ دکھانے والے دنیا کے دوسرے باﺅلر بن گئے۔
یہ بھی پڑھیں۔۔۔ ”ہم نے شادی سے اگلے دن ’بیٹنگ‘ کی تھی کیونکہ۔۔۔“ بھارتی باﺅلر ایشوین کی بیوی نے شادی کی 6 ویں سالگرہ پر سہاگ رات سے متعلق ایسا راز بے نقاب کر دیا کہ ایشوین شرم سے پانی پانی ہو گئے
دلچسپ امر یہ ہے کہ انہوں نے یہ اعزاز حاصل کرنے کیلئے ویرات کوہلی سمیت دنیا کے چند جانے مانے ناموں کو پویلین کی راہ دکھائی، ویرات کوہلی کیساتھ انہوں نے جو سلوک کیا، وہ بھارتیوں کے سر پیٹنے کیلئے کافی تھا۔
Can you remember a better spell in recent times than Suranga Lakmal today against India? #INDvSL pic.twitter.com/pbwwcLduNi
— ICC (@ICC) November 16, 2017
ایڈن گارڈن کلکتہ میں کھیلے جا رہے میچ میں سری لنکا نے ٹاس جیت کر فیلڈنگ کا فیصلہ کیا تو بھارتی بلے بازوں کا تگنی کا ناچ شروع ہو گیا اور سورنگا لکمل تمام بلے بازوں کیلئے ’آفت‘ بن گئے۔
انہوں نے0 کے مجموعی سکور پر ہی اوپنر کے ایل راہول کو بولڈ کر دیا جس کے بعد ویرات کوہلی میدان میں آ گئے۔ بھارت کی اگلی وکٹ بھی 13 کے مجموعی سکور پر گر گئی اور شیکھر دھون 8 رنز بنا کر سورنگا کمل کی گیند پر کلین بولڈ ہو گئے۔
یہ بھی پڑھیں۔۔۔ ”شوکت خانم ایک ایسی جگہ ہے جہاں۔۔۔“ وسیم اکرم کی اہلیہ شنیرا اکرم نے شوکت خانم ہسپتال کے بارے میں ایسی بات کہہ دی کہ عمران خان کے بدترین مخالفین بھی شوکت خانم پر تنقید سے پہلے 100 بار سوچیں گے
ویرات کوہلی بھی سورنگا لکمل کے سامنے مزاحمت کرتے نظر آئے اور 11 گیندیں کھیلیں مگر ایک بھی سکور نہ بنا سکے۔ وہ انہیں آﺅٹ سوئنگ کرواتے رہے مگر دسویں اوور کی پہلی گیند ان سوئنگ کروائی جو سیدھی ویرات کوہلی کے پیڈ پر لگی اور امپائر کی انگلی بھی کھڑی ہو گئی۔
واضح رہے کہ سورنگا لکمل سے پہلے 1959 میں دہلی میں کھیلے گئے ٹیسٹ میچ میں آسٹریلوی سپنر رچی بینو نے 3.4 اوورز میں بغیر رن دیئے 3 کھلاڑیوں کو پویلین کی راہ دکھائی تھی۔