ویسٹ انڈیز کے کھلاڑی کرس گیل نے اپنا بیٹ نیلام کرنے کا اعلان کردیا
راجکوٹ(ڈیلی پاکستان آن لائن )ویسٹ انڈیز کے اوپنر بلے باز کرس گیل نے اپنا بیٹ نیلام کرنے کااعلان کردیا ۔
تفصیلات کے مطابق کرس گیل نے مشکل وقت میں سپورٹ کرنے پر شائقین کا شکریہ اداکرتے ہوئے اعلان کیا ہے کہ جس بیٹ سے انہوں نے 10 ہزار رنز مکمل کیے وہ اسے نیلام کر کے حاصل ہونے والی رقم چیریٹی کیلئے دیں گے۔
یاد رہے کرس گیل نے آئی پی ایل میں گجرات لائنز کیخلاف رائل چیلنجرز بنگلور کی جانب سے کھیلتے ہوئے مختصر ترین فارمیٹ میں 10 ہزار رنز مکمل کیے تھے، وہ یہ کارنامہ انجام دینے والے دنیا کے پہلے کھلاڑی ہیں۔کرس گیل ٹی 20 میں 10 ہزار رنز بنانے والے پہلے کرکٹر بن گئے۔
