انتہا پسند ہندو رہنما یوگی آدتیہ ناتھ یو پی کے 21 ویں وزیر اعلیٰ بن گئے
نئی دہلی ( نیٹ نیوز )انتہا پسند ہندو رہنما یوگی آدتیہ ناتھ اترپردیش کے 21 ویں وزیر اعلیٰ بن گئے ہیں ۔انہوں نے عہہدے کا حلف اٹھا لیا ہے ۔جب سے یوگی آدتیہ ناتھ کے نام کا اعلان کیا گیا اس کے بعد سے مبارکباد کا سلسلہ رکنے کا نام نہیں لے رہا تھا۔ بی بی سی کے مطابق وہ پانچ بار(بقیہ نمبر46صفحہ7پر )
رکن پارلیمان رہ چکے ہیں۔ انتخابات کے دوران ان کے حامیوں نے ’دہلی میں مودی، یوپی میں یوگی‘ کا نعرہ دیا تھا۔ان کے علاوہ کیشو پرساد موریہ اور دنیش شرما کو نائب وزرا ئے اعلیٰ کے عہدے کا حلف اٹھایا۔ خیال رہے کہ ریاست میں پہلی بار دو نائب وزرا اعلیٰ ہوں گے۔ان کے علاوہ 22 وزیر کابینہ اور 24 ریاستی وزرا نے بھی حلف لیا ہے۔لکھنؤ کے کانشی رام میموریئل گارڈن میں ہونے والی حلف برداری کی تقریب کے دوران وزیر اعظم نریندر مودی، کئی ریاستوں کے وزرائے اعلی اور بی جے پی کے سینیئر لیڈرز موجود تھے۔خیال رہے کہ وزیر اعلی یوگی آدتیہ ناتھ اور دونوں نائب وزرا ئے اعلی ریاستی اسمبلی یا قانون ساز کونسل کے رکن نہیں ہیں۔ماہرین کا خیال ہے کہ ان تینوں کے ذریعہ بی جے پی نے راجپوت (یوگی)، برہمن (دنیش) اور او بی سی (کیشو) ووٹ بینک کو یکجا کرنے کی کوشش کی ہے۔محسن رضا کابینہ میں شامل ہونے والے واحد مسلم لیڈر ہیں۔ مبصرین کا خیال ہے کہ یوپی میں اقلیتی بہبود کے شعبے اور وقف بورڈ سمیت کئی ایسے ادارے ہیں جن کے سربراہ عام طور پر مسلمان ہی ہوتے ہیں اور یہ ذمہ داری انھیں سونپی جا سکتی ہے۔خیال رہے کہ ابھی قلمدان کا اعلان نہیں کیا گیا ہے۔یوگی کابینہ میں دو سابق کرکٹرز کو جگہ ملی ہے۔ ان میں سے ایک چیتن چوہان ہیں جو بین الاقوامی کرکٹ کھیل چکے ہیں جبکہ محسن رضا فرسٹ کلاس کرکٹ کھیل چکے ہیں۔کابینہ میں چھ خواتین کو جگہ دی گئی ہے جن میں ریتا بہوگنا جوشی، گلاب دیوی، سواتی سنگھ، انوپما جیسوال، سنگیتا بلون اور ارچنا پانڈے شامل ہیں۔مغربی اتر پردیش کو ترجیح دی گئی ہے۔ بھوپیندر چودھری، سریش رانا، سری کانت شرما، لکشمی نارائن چودھری اور اتل گرگ کو وزیر بنایا گیا ہے۔بلدیو اولا کو بھی ریاسی وزیر کا حلف دلایا گیا ہے۔ وہ یوگی کابینہ میں اکلوتے سکھ وزیر ہیں اور رام پور سے جیت کر لکھنؤ پہنچے ہیں۔سریش رانا بھی وزیر بنے ہیں۔ انھیں وزیر مملکت (آزاد چارج) بنایا گیا ہے۔ 2013 میں مظفر نگر میں ہونے والے فسادات کے تعلق سے ان پر الزامات لگے تھے۔حلف برداری کی تقریب کے بعد ریاست کے سابق وزیر اعلی ملائم سنگھ یادو نے وزیر اعظم نریندر مودی سے گرمجوشی سے ملاقات کی جبکہ مودی نے اکھلیش یادو سے بھی مصافحہ کیا۔