کورونا کیخلاف جنگ، یووراج سنگھ اور ہربھجن سنگھ نے تمام ’اختلافات‘ ایک طرف رکھ کر شاہد آفریدی کیلئے پیغام جاری کر دیا، جان کر آپ بھی داد دئیے بغیر نہ رہ سکیں

کورونا کیخلاف جنگ، یووراج سنگھ اور ہربھجن سنگھ نے تمام ’اختلافات‘ ایک طرف ...
کورونا کیخلاف جنگ، یووراج سنگھ اور ہربھجن سنگھ نے تمام ’اختلافات‘ ایک طرف رکھ کر شاہد آفریدی کیلئے پیغام جاری کر دیا، جان کر آپ بھی داد دئیے بغیر نہ رہ سکیں

  

لاہور (ڈیلی پاکستان آن لائن) کورونا وائرس کے خلاف جنگ میں شاہدآفریدی انسانیت کی خدمت کیلئے بھرپور کام کر رہے ہیں جس پر پاکستانی قوم تو ان کی تعریف کر رہی ہے لیکن اب بھارتی کرکٹرز یووراج سنگھ اور ہربھجن سنگھ نے بھی ان کیلئے زبردست پیغام جاری کر دیا ہے۔

تفصیلات کے مطابق دنیا اورخصوصا جنوبی ایشیاءاس وقت مہلک وائرس سے جنگ لڑنے میں مصروف ہے اور ایسے میں پاکستان کے سابق آل راؤنڈر شاہد آفریدی بھی انسانیت کی خدمت کےلئے پیش پیش ہیں۔ کورونا وائرس کے خلاف جنگ میں شاہد آفریدی کی مدد کی اپیل نے جہاں مقامی کھلاڑیوں اور شائقین کی توجہ مبذول کی وہیں بھارتی کرکٹ لیجنڈزیووراج سنگھ اور ہربھجن سنگھ بھی نے اس کارخیر میں حصہ لینے کی حمایت کی۔

سابق بھارتی آل راؤنڈر یوراج سنگھ ٹوئٹر پرویڈیوپیغام دیتے ہوئے آفریدی فاؤنڈیشن کوسراہتے ہوئے نظر آئے جنہوں نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”یہ آزمائش کا وقت ہے ،اور اب وقت آگیا ہے کہ ہم ایک دوسرے کو تلاش کریں خاص طور پر کم خوش قسمت لوگوں کو۔ ہمیں بھی کچھ حصہ ڈالنے دیں ، میں شاہد آفریدی کے اس عظیم جذبے کی حمایت کرتا ہوں اوران کے ساتھ ہوں ،آپ سب لوگ بھی ان کی مدد کریں۔“

اسی طرح بھارتی کرکٹ ٹیم کے سابق کرکٹر ہربھجن سنگھ نے بھی شاہد آفریدی کی انسان دوستی جذبے کے تعریف کی اور کہا کہ آفریدی عوام کیلئے بہترین کام کر رہے ہیں اوراس سے بڑھ کر کچھ نہیں ہے۔ دونوں بھارتی کھلاڑیوں نے نہ صرف شاہد آفریدی کی حمایت کی بلکہ عوام سے شاہدآفریدی فاؤنڈیشن میں عطیات دینے کی بھی اپیل کی۔

شاہد آفریدی نے دونوں کھلاڑیوں کی اس حمایت اورتعاون پران کا شکریہ ادا کیا اور ان کے جذبے کوسراہا۔شاہد آفریدی نے ٹوئٹر پر پیغام میں لکھا کہ آپ خود اور میرے بھائی ہربھجن سنگھ دونوں کی حمایت کرنے کیلئے آپ کا شکریہ، آپ تعاون کے بہت بڑے ستون ہیں۔ خاص طور پر جب انسانیت کی بات آتی ہے تو ہمارا یہ بندھن محبت اور امن کی سرحدوں کو عبور کرلیتا ہے۔ آپ کیلئے اور نیک جذبوں کیلئے بہت سی نیک خواہشات ہیں۔

مزید :

کھیل -کورونا وائرس -