سعودی عرب نے کتنی عمر سے زائد والی خواتین کو محرم کے بغیر عمرہ کی اجازت دیدی ؟ سب سے بڑا اعلان ہو گیا 

سعودی عرب نے کتنی عمر سے زائد والی خواتین کو محرم کے بغیر عمرہ کی اجازت دیدی ؟ ...
سعودی عرب نے کتنی عمر سے زائد والی خواتین کو محرم کے بغیر عمرہ کی اجازت دیدی ؟ سب سے بڑا اعلان ہو گیا 

  

ریاض(ڈیلی پاکستان آن لائن ) سعودی عرب کی حکومت نے 45 سال یا اس سے زیادہ عمر کی خواتین کومرد سرپرست (محرم ) کے بغیرعمرہ کرنے کی اجازت دے دی ہے ۔

سعودی عرب کی وزارت حج اور عمرہ کی جانب سے جاری بیان کے مطابق 45سال سے زائد عمر کی خواتین بغیر مرد سرپرست (محرم) کے عمرہ کرسکیں گی۔بیان کے مطابق محرم کے بغیر 45 سال یا اس سے زائد عمر کی ان خواتین کو عمرہ ویزا جاری کیا جائے گا جو خواتین کے گروپ میں شامل ہوں گی۔وزارت حج وعمرہ کے مطابق 45 سال سے کم عمر خواتین کو محرم کے بغیرعمرہ ادا کرنے کی اجازت نہیں ہوگی۔

اس سے قبل کورونا ویکسی نیشن نہ کروانے والے افراد کوبھی عمرہ ادا کرنے اورحرمین شریفین میں نماز کی ادائیگی کی اجازت دی جا چکی ہے۔

مزید :

عرب دنیا -