'لگتا ہے اپریل فول کا میسج آپ تک بھی پہنچ گیا'، شہباز گل اور جج کا دلچسپ مکالمہ

اسلام آباد (ڈیلی پاکستان آن لائن) رہنما تحریک انصاف شہباز گل کا اداروں کے خلاف اکسانے کے کیس میں پیشی کے دوران جج سے دلچسپ مکالمہ ہوا۔

نجی ٹی وی جیو نیوز کے مطابق اسلام آباد کی عدالت میں شہباز گل پیش ہوئے تو انہوں نے ایڈیشنل سیشن جج طاہر عباس سپرا کو سالگرہ کی مبارک باد دی جس پر فاضل جج نے شہباز گل کو کہا کہ لگتا ہے کہ اپریل فول کا میسج آپ کو بھی پہنچ گیا۔

جج نے شہبازگِل سے استفسار کیا کہ آپ تو بیرون ملک جارہے ہیں،جس پر شہباز گل نے جواب دیا کہ آپ کی سالگرہ کی خوشی میں باہر جارہا ہوں۔جج نے پوچھا کہ  آپ کی پاکستان واپسی کب ہے؟شہباز گِل نے جواب دیا کہ دور جانا ہے، تھوڑی مہربانی کردیں، اس پر طاہر عباس سِپرا نے شہبازگِل کو لقمہ دیا کہ آپ نے کون سا پیدل جانا ہے۔

 جب زندگی آئی تو اس کی گود میں آرزو بھی آئی، آرزو نے آنکھ کھولی تو ایک دوسری دنیا تھی، اب اگر آرزو وہیں ختم ہو جاتی تو زندگی کا بچہ ہی مر جاتا اور زندگی بے ثمر ہوتی

مقدمے میں شریک ملزم کے وکیل نے عدالت کو آگاہ کیا  کہ سپریم کورٹ کا فیصلہ ابھی موصول نہیں ہوا، جس پر عدالت نے درخواست لکھ کر جمع کرانے کی ہدایت کردی۔شہباز گل پر فرد جرم عائد کرنے کی کارروائی ایک بار پھر مؤخر  ہو گئی، عدالت نے سماعت 6 مئی تک ملتوی کر دی ہے۔