ویمن سیفٹی ایپ کی بروقت مدد،لڑکی کو زبردستی بائیک پر بٹھانے کی کوشش کرنیوالا کیسے پکڑا گیا ،تفصیلات جانیے
لا ہو ر (کر ائم رپو رٹر)پنجاب پولیس ویمن سیفٹی ایپ کے مدد سے خاتون کو چھیڑنے والے ملزم کو گرفتار کرلیا گیا ۔ ملزم نے گلبرگ بس سٹاپ پر لڑکی کو زبردستی بائیک پر بٹھانے کی کوشش کی متاثرہ لڑکی نے پنجاب پولیس ویمن سیفٹی ایپ میں موجود لائیو چیٹ فیچر کے ذریعے پنجاب سیف سٹیز اتھارٹی میں رابطہ کیا جس پر سیف سٹی عملہ نے بروقت ایکشن کرواتے ہوئے چند منٹوں میں لوکیشن پر پہنچ کر ملزم کو گرفتار کر لیا۔
ایس پی سیف سٹیزوقار عظیم نے بروقت کارروائی کی ہدایت کرتے ہوئے کہا کہ خواتین کی بروقت راہنمائی اور فوری امداد کیلئے ویمن سیفٹی ایپ ایک بہترین ذریعہ ہے۔اب تک اڑھائی لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں۔خواتین اپنا تحفظ یقینی بنانے کیلئے پنجاب پولیس ویمن سیفٹی ایپ ضرور انسٹال کریں۔
