(ن) لیگ اور اتحادیوں کے اجلاس میں نوازشریف نے کس اہم ادارے کے بائیکاٹ کا مشورہ دیا، بڑی خبر آ گئی
لاہور (ڈیلی پاکستان آن لائن) وزیراعظم شہباز شریف کی سربراہی میں پاکستان ڈیمو کریٹک موومنٹ (پی ڈی ایم) اور اتحادی جماعتوں کے اجلاس میں پنجاب اور خیبر پختونخوا میں انتخابات تاخیر کیس کے معاملے پر سپریم کورٹ کے 3 رکنی بینچ کے بائیکاٹ کا فیصلہ کر لیا۔
نجی ٹی وی جیو نیوز کے مطابق مسلم لیگ ن کے قائد نواز شریف سے جب پنجاب اور خیبرپختونخوا میں انتخابات التوا کیس پر مشورہ مانگا تو انہوں نے پی ڈی ایم جماعتوں کو سپریم کورٹ کے 3 رکنی بینچ کے بائیکاٹ کی تجویز دیدی۔ نوازشریف کا کہنا تھاکہ 3 رکنی بینچ میں ثاقب نثار کے زیر اثر لوگ موجود ہیں، ان سے انصاف کی توقع نہیں ہے۔ پی ڈی ایم کی دیگر جماعتوں نے بھی 3 رکنی بینچ کے بائیکاٹ کا مشورہ دیا جس کی نوازشریف نے توثیق کر دی۔
ویڈیولنک کے ذریعے ہونے والے اہم اجلاس میں شریک چیئرمین پیپلز پارٹی اور سابق صدر آصف علی زرداری، چیئرمین پی پی و وزیر خارجہ بلاول بھٹو زرداری، جے یو آئی اور حکومتی اتحاد پی ڈی ایم کے سربراہ مولانا فضل الرحمٰن، چوہدری سالک حسین، مریم نواز اور ایم کیو ایم کے خالد مقبول صدیقی بھی شریک ہوئے جب کہ پاکستان مسلم لیگ ن کے قائد، سابق وزیراعظم نواز شریف نے ویڈیو لنک کے ذریعے اہم اجلاس میں شرکت کی۔
 لیگ اور اتحادیوں کے اجلاس میں نوازشریف نے کس اہم ادارے کے بائیکاٹ کا مشورہ دیا، بڑی خبر آ گئی){kind=link}